Avtomatlaşdırılmış Vergi İnformasiya Sistemi (AVİS) vergi işinin proseslərini avtomatlaşdıran və vergi əməkdaşlarının istifadəsinə verilən veb əsaslı bir proqram təminatıdır. Sistemin dizaynı müasir UX/UI standartlarına əsasən hazırlanmışdır. Sistem mikroservis arxitekturası əsasında qurulmuş, müasir veb texnologiyalarından istifadə edilmişdir. 

AVİS-in aşağıdakı əsas funksional imkanları vardır:

- İstifadəçinin istifadəçi adı və şifrə ilə sistemə daxil olması;

- Vergi ödəyicilərindən və vətəndaşlardan daxil olan ərizələrin, bəyannamələrin və digər müraciətlərin emal edilməsi, müvafiq cavabların və bildirişlərin idarə edilməsi;

- Vergi ödəyicilərinin (hüquqi və fiziki şəxslərin), onların filiallarının, obyektlərinin və s. uçota alınması, fəaliyyətinin dayandırılması, bərpa edilməsi və uçotdan çıxarılması;

- Vergi ödəyicilərinin fəaliyyətinə uyğun hesablamaların, ödənişlərin, borcların sistem servisləri vasitəsilə avtomatik hesablanması və vergi ödəyicisinin Şəxsi Hesab Vərəqəsinin formalaşdırılması;

- Vergi ödəyicilərinin bəyannamələri, qaimələri və digər uçot sənədləri arasında kameral yoxlamaların aparılması və uyğunsuzluqların avtomatik aşkar edilməsi;

- Səyyar və operativ vergi yoxlamalarının qeydiyyata alınması;

- Vergi orqanları və vergi ödəyiciləri arasında elektron sənəd dövriyyəsinin təşkil edilməsi;

- Vergi Xidmətinin baş idarələrinin və yerli vergi orqanlarının səlahiyyətləri üzrə məlumatlara çıxış imkanının təmin edilməsi;

- Dövlət qurumları və banklar ilə inteqrasiyanın təşkil edilməsi;

- Müxtəlif növ hesabatların təmin edilməsi;

- Digər funksional imkanlar.